İzrail armiyäse 2025nçe yılnıñ 10nçı üktäbrendä ğämälgä kergän utnı tuqtatuğa qaramastan här kön diyärlek Ğazzä sızığına höcümnär oyıştıra.

Ğazzädäge Sälämatlek saqlaw ministrlığınnan yasalğan yazmaça belderüdä İzrailneñ 2023nçe yılnıñ üktäbrennän birle däwam itüçe höcümnärendä ğomere özelüçelär turında soñğı mäğlümatlär belän urtaqlaştı.

Soñğı täwlektä İzrailneñ höcümnäre näticäsendä häläq bulğan 8 keşeneñ mäyete belän 17 yaralanuçınıñ Ğazzädäge xastaxanälärgä alıp kiterelüe belderelde.

Belderüdä İzrail belän ireşelgän utnı tuqtatunıñ 2025nçe yılnıñ 10nçı üktäbrendä ğämälgä kerüennän birle oyıştırılğan höcümnärdä 1 meñ 92 fälästinleneñ häläq buluı, 3 meñ 507 keşeneñ yaralanuı, cimereklär astınnan isä 799 keşe mäyeteneñ çığarıluı äytelde.

İzrailneñ 2023nçe yılnıñ üktäbr ayınnan birle Ğazzä sızığına yasağan höcümnärendä häläq bulğan fälästinlelär sanınıñ 73 meñ 118gä, yaralanuçılar sanınıñ isä 173 meñ 615kä citüe iskärtelep uzıldı.