Ğazzä Sälamätlek saqlaw ministrlığı beldergänçä İzrail tapşırğan 54 fälästinleneñ gäwdäse häm küp sandağı mäyet qaldıqları bulğan distälägän tartma Xalıqara Qızıl Xaç komiteti aradaşçılığı belän Ğazzägä birelde.

Ministrlık çärşämbe könne yasağan belderüendä 54 mäyet häm 66 tartma êçendäge gäwdä qaldıqlarınıñ Qızıl Xaç maşinaları belän Äl-Şifa mediśina kompleksına kiterelüen citkerde.

Mediśina törkemnäre, raslanğan mediśina prośeduralarına yaraşlı räweştä şunda uq sud-med êkspertizanı başlattı.

Bäyläneşle urınnar häm belgeç komitetlar belän koordinaśiyadä tikşerü häm dokumentlaştıru barışları däwam itä.

Bu êşlär tämamlanğannan soñ, gäwdälärne bilgelängän protokollarğa nigezlänep ğailälärenä tanıtu öçen röxsät bireläçäk.

Fälästin räsmi zatları fikerenä kürä bu tapşıru 10nçı oktäbrdä üz köçenä kergän êtaplı utnı tuqtatu kileşüen İzrail daimi räweştä bozğan çorda çınğa aştı.

Ğıynwar ayında Amerika Quşma Ştatları tarafınnan iğlan itelgän utnı tuqtatu İzrailneñ Ğazzädän çığuın häm bu töbäkne yañadan torğızu êşläreneñ başlatıluın küzdä tota.

Berläşkän Millätlär Oyışması töbäkne tözekländerü öçen yaqınça 70 milliard dollar aqça sarıf iteläçägen farazlıy.

AQŞ aradaşçılığındağı utnı tuqtatu kileşüenä qaramastan mediśina çığanaqları belderüençä çärşämbe könne irtänge sägätlärdä Gazzädäge qaçaqlar çatırlarına, ber öygä häm tınıç xalıqqa oyıştırılğan İzrail höcümnärendä, aralarında xatın-qızlar häm balalar da bulğan 21 fälästinle ülde. Küp sandağı keşe yaralandı.

Fälästin Qızılayı Ğazzäneñ kön’yağındağı Xan Yunusnıñ Äl-Mawasi töbägendäge 5nçe prospekt tiräse bombalanğan waqıtta, aralarında ber mediśina xezmätkäre dä bulğan ike keşeneñ ülüen häm 12 keşeneñ yaralanuın xäbär itte.

Yaralanğan keşelär Qızılaynıñ Äl-Mawasidağı qır xastaxanäsenä kiterelde.