AQŞ citäkçelege İzrailgä 2 milliard 800 million dollarlık ber tonnalı bombalar satarğa äzerlänä, dip äytälär. İzrail alarnı şulay uq Ğazzädä dä qullana.
Amerikada dönya kürüçe “Washington Post” gazetınıñ iseme açıqlanmağan ber AQŞ räsmi zatına nigezlängän xäbärenä kürä Donald Tramp citäkçelege İzrailgä soñğı waqıttağı iñ zur qoral satularınıñ bersen äzerli.
Xäbärdän kürengänçä AQŞ citäkçelege härberse yaqınça ber tonna awırlığında bulğan 20 meñ danä “MK-84” häm 20 meñ “BLU-117” bombasın İzrailgä satarğa röxsät birgän, häm şul uq paket êçendä 20 meñ “I-2000 Penetrator” suğış başçasınıñ da satıluına röxsät bireler dip kötelä.
Xäbärdä, ägär ul ğamälgä aşsa, soñğı yıllarda ber tapqırda başqarılğan iñ zur xärbi kiräk-yaraq satışı bulaçaq, Anıñ bäyäse 2 milliard 800 million dollar buluı assızıqlandı.
İzrail bigräk tä Ğazzädäge genośidta küp tapqır qullanğan häm cimergeç üzençälekläre belän tanılğan “MK-84” bombaları şartlağannan soñ kisäkläre yözlägän metrlarga tarala. Alar metallarnı häm qalın betonnı tişä ala.
2025 yılda Tramp citäkçelege Kongressnıñ tikşerü barışın çitlätep uzdı häm İzrailgä 2,04 milliard dollar qıymmätendä qorallar satıluına röxsät birgän ide.
