Kondrat'yev üzeneñ sotsial' çeltärlärdäge akkauntında Ukraina armiyasınıñ Krasnodar ölkäsenä dron höcüme yasawın belderde.

Ul töbäkneñ Novorossiysk, Anapa, Gelencik häm Temrük rayonnarında tınıç asqorma häm yortlar höcümgä duçar buluın, ä bärelgän dronnardan töşkän çimerekleklär näticäsendä 21 yort häm 4 biznes ob'yektı zıyan kürüen bilgeläp ütte.

Kondrat'yev ğadättän tış xällär xezmätläreneñ waqıyğa urınında êşen däwam itüen häm öylärennän êvakuatsiyälängännär öçen waqıtlıça yäşäw üzäkläre buldırıluın citkerde. Ul höcümnär näticäsendä ülüçelär häm yaralanuçılar buluın xäbär itep: “Novorossiyskida 8 yäşlek bala ğomere özelde, 8 keşe, şul isäptän, ber bala, yaralandı. Temrük rayonınıñ Volna awılında ber keşe ülde. Anapada ike keşe yaralandı. Gelencikta da ike keşe yaralandı”, - dip belderde.

Novorossiysk mêrı Andrey Kravçenko, şulay uk, üzeneñ sotsial' çeltärlärdäge akkauntında şähärdä ğadättän tış xäl iğlan itelüen belderde.

Rusiyä saqlanu ministrlığı tönlä törle töbäklärdä häm Qara diñgez östendä hawa saqlanu sistemaları tarafınnan Ukrainanıñ 502 keşesez hawa apparatı yuq itelüen citkerde.