Venesuêla däwlät başlığı Nikolas Maduro un kön êlek AQŞ ilbaşı Donal’d Tramp belän Latın Amerikasına amerikan xärbi köçlären urnaştıru belän bäyle ixlas telefon söyläşüe ütkärüen rasladı.
Maduro çärşämbe könne däwlät televideniyesenä birgän äñgämäsendä bolay dide:
“Amerika Quşma Ştatları ilbaşı Donal’d Tramp belän söyläştem. Söyläşü xörmät qısasında, xätta ixlas buldı dip äytä alam. Ägär dä bu söyläşü däwlätlär, illär arasında xörmätkä nigezlängän dialogqa taba adımnar yasaluın añlata ikän, dialognı häm diplomatiyäne xuplıybız, çönki bez härwaqıt tınıçılıq yaqlı”.
Avgust ayınnan birle AQŞ narkotiklar kontrabandasına qarşı köräş nigeznamäse belän Karib diñgezenä xärbi korablar flotın häm dön’yadağı iñ zur aviataşuçını cibärde, kim digändä 22 köymägä ülemçel höcümnär oyıştırıdı, 83 keşe hälaq buldı.
Maduro isä bu operaśiyäneñ anıñ sul xökümäten bärep töşerü häm axır çiktä ilneñ kiñ neft’ zapasların qulğa töşerü maqsatı belän başqarıluın äytte.
Tramp yäkşämbe könne Maduro belän telefon aşa söyläşüen rasladı, läkin centekle mäğ’lümat birmäde.
Tramp: “Min yaxşı yäki naçar uzdı dip äytä almıym. Bu — telefon aşa söyläşüe ide”,-dide.
Vaşınton Maduronı güyä “Qoyaş kartele” dip atalğan oyışmanı liderı buluda ğayepläde, anı 24 noyabr’da terror oyışması dip iğ’lan itte.
Şulay uq Maduronıñ qulğa alınuına yärdäm itäçäk mäğ’lümat öçen 50 million dollar büläk täq’dim itüe dä citkerelde.
