Xärbi çığanaqlarğa kürä, İzrail ğäskärläre Ğazzäneñ kön’yağında urnaşqan Räfaxta ike fälästinlene üterep, oktyabr’dän birle ğamäldä bulğan utnı tuqtatu kileşüen tağın ber tapqır bozğan.
İzrail armiyäse Räfäxnıñ könbatışına tanklar cibärüen, anda ut açuın häm hawa höcümnäre oyıştıruın belderde.
“Israel Hayom” gazetı bäreleşlär waqıtında ike İzrail ğäskäriyeneñ ciñelçä yaralanuın xäbär itte.
Fälästin qarşılıq kürsätü törkeme “Xamas” İzrail höcümnären utnı tuqtatu kileşüen açıqtan-açıq bozu dip ğayepläde.
“Xamas” şulay uq uqtnı tuqtatu kileşüen bozularnı tuqtatu öçen İzrailgä basım yasawnı, utnı tuqtatu şartların tulısınça ütäwne, Räfäx çik buyı qapqasın ike yaqqa da yañadan açunı, gumanitar yärdäm häm sıyınu materialların kertügä röxsät birüne, kileşüneñ ikençe êtabına küçüne taläp itte.
Utnı tuqtatu söyläşüläre
Şul uq waqıtta “Xamas” wäkillege utnı tuqtatunıñ kiläse êtabı turında söyläşülär ütkärü öçen Misır başqalası Qahirägä kilde.
“Xamas” delegaśiyäne Ğazzädäge xäräkät citäkçese Xalil äl-Hayye citäkläwen äytte.
İzrail, 2023 yılnıñ oktyabrennän birle Ğazzädäg genośid başqarıp, küpçelege xatın-qızlar häm balalar bulğan 71 meñnän artıq fälästinlene üterde.
Qamaw astındağı töbäkneñ zur öleşen cimergän İzrail böten xalıqnı küçep kitärgä mäcbür itte.
