Cirle media xäbär itkänçä, Süriyä belän Soğud Ğaräbstanı neft’ häm gaz ölkälärendä kileşülär imzaladılar.

Süriyä Ğaräp xäbär agentlığı (SANA) sişämbe könne beldergänçä, däwlätneñ Süriyä Neft’ şirkäte başqala Dimäşq’täge ênergetika ministrlığı binasında Soğud Ğärabstanı  şirkätläre belän 4 kileşügä qul quydı.

Agentlıq älege kileşülärneñ texnik yärdäm xezmätlären häm Süriyädäge neft’ häm gaz yartmaların üsterüne üz êçenä aluın xäbär itte.

19 noyabr’dä Süriyä Neft’ şirkäte direktorı Youssef Qaballawi könbatıştağı Äl-Saxel töbägendä 5 yaña gaz yatması tabıluın beldergän ide.

2015 yılğı mäğ’lümatlarğa qarağanda, Süriyäneñ isbatlanğan gaz zapasları yaqınça 8,5 trillion kub fut (yaqınça 240 milliard kub metr) külämendä. Bäyläneşsez gaznıñ urtaça könlek citeşterü küläme  yaqınça 250 million kub metr bulıp, ilneñ ğomumi  gaz citeşterüeneñ 58 %ın täşkil itä.

Neft’ belän bäyle gaz citeşterüneñ 28%ın täşkil itä häm anıñ küpçelek öleşe Fırat yılğasınıñ könçığışınnan kilä.

Äxmät äl-Şara citäkçelegendäge yaña Süriyä xökümäte, 14 yıllıq watandaşlar suğışınnan soñ ilne torğızu maqsatında törle xökümätlär häm oyışmalar belän kileşülär imzalap, Süriyäneñ ênergetika tarmağın yaxşırtırğa omtıla.