Törkiyä Cömhüriyäte ilbaşı idaräseneñ êlemtä bülege xäbär itkänçä, ilbaşı Räcäp Tayyip Ärdoğan belän Franśiya ilbaşı Êmmanuêl’ Makron çärşämbe könne telefonnan söyläşte.

Alar Rusiya - Ukraina suğışı, regional’ krizislar, ike yaqlı mönäsäbätlär turında süz alıp bardı.

İlbaşı idärase “NSosyal” platformasında urtaqlaşqan belderüdä äytelgänçä, söyläşüdä global’ täräqqiyät’lär, Änkara belän Parij arasındağı xezmättäşlek qaraldı.

Ärdoğan Törkiyä -Franśiya xezmättäşlegeneñ möhim buluın assızıqladı häm ike yaqnıñ mönäsäbätlärne üsterü öçen konkret adımnar yasawnı däwam itüe kiräklegen citkerde.

Ärdoğan Rusiya-Ukraina konfliktı qısalarında ğadel häm daimi tınıçlıq täêmin itü öçen Törkiyäneñ zur tırışlıq quyuın häm İstanbul prośessın yañadan canlandıru maqsatında Änkaranıñ ike yaq belän dä dialognı däwam itüen äytte.

Ärdoğan Törkiyäneñ söyläşülärgä yul açu öçen här törle öleşne kertergä äzer buluın belderde.

Ul daimi tınıçlıqqa ireşü öçen diplomatik kanallarnı näticäle qullanunıñ bik möhim buluın häm global’ moxitne totrıqsızlandırırğa mömkin bulğan ğamällärdän çittä torunıñ utnı tuqtatu tırışlıqlarına yärdäm itäçägen belderde.

İke lider şulay uq Kavkaz, Ğazzä häm Süriyädäge täräqqiyät’lär turında da söyläşte.