Törkiyäneñ êlektr avtomobil citeşterüçese “Togg” üzeneñ yaña “T10F” fastback modelen İlbaşı Räcäp Tayyip Ärdoğanğa täqdim itte, tapşıru tantanası waqıtında maşinanıñ dizaynın, üzençäleklären häm texnologik yañarışların tikşerep qaraw mömkinlege buldı.
“Togg” citäkçeläre tulısınça êlektrlı bulğan maşinanı Törkiyä Däwlät başlığına tapşırıp, Ärdoğannıñ “T10F” modelen ilbaşı nomerı belän bizäp, maşinanı yörtep qaraw mömkinlegen täêmin ittelär.
Brifing waqıtında Ärdoğan maşinanıñ üzençälekläre häm êşläw sıyfatı turında mäğlümat aldı.
Maşinanı sınap qarawdan soñ Sänäğät häm texnologiyä ministrı Mäxmät Fatix Kaçır häm “Togg” idarä şurası başlığı Fuat Tosyalı Däwlät başlığına istälekle büläk täqdim ittelär.
Törkiyä Cömhüriyäte İlbaşı idaräseneñ êlemtä başlığı Burhanettin Duran da, berençe tapşıru tantanasında qatnaşıp, xökümätneñ Törkiyäneñ cirle avtomobil sänäğätenä kürsätkän yärdämenä basım yasadı.
Euro NCAP testlarında biş yoldız
“Togg T10F” modelenä aldan zakaz birülär Törkiyädä 15nçe sentyabrdä, Germaniyädä isä 29nçı sentyabrdä başlayaçağın iğlan itte.
Bu dönyaküläm tanıtu çarası “Togg”nıñ Awrupada täwge tapqır täqdir itelgän Myunxendäge “IAA Mobility 2025” xalıqara kürgäzmäse belän ber ük waqıtqa turı kilde häm avtomobil citeşterüçelären, texnologiya kompaniyalären häm innovaśion transport çaraların êşläp çığaruçılarnı cıydı.
Şirkät çara waqıtında üzeneñ êlektr avtomobillär assortimentın häm mobillek êkosistemasın cirle häm çit il jurnalistlarına tanıttı.
"Barı tik avtomobil ğına tügel" missiyäsenä basım yasawçı “Togg” avtomobil tarmağındağı yañarışlarğa häm global köndäşlek köçenä iğtibarnı yünältte.
T10X häm T10F modelläre, Awrupa bazarı standartlarına turı kilep, barlıq Euro NCAP iminlek testlarında iñ yuğarı 5 yoldız bäyäsen aldı.
Bu täqdir itü çarası, “Togg”nıñ xalıqara mäydanda kiñäyü strategiyäsen nığıtıp, Törkiyäne uñışlı, däwam itä alırlıq häm alğa kitkän avtomobil texnologiyäsendä üsüçe aktyorğa äyländerä.
