Törkiyä ilbaşı Räcäp Tayyipnıñ Ärdoğannıñ xäläl cefete Äminä Ärdoğan Yunıs Ämrä isemendäge institutnıñ Seuldağı mädäniyät üzägen räsmi räweştä açtı.
Seul säfärendä Ärdoğan yanında bulğan Äminä Ärdoğan Yunıs Ämrä isemendäge institutnıñ Seuldağı mädäniyät üzägenä räsmi açılış öçen kilgäç Yunıs Ämrä isemendäge institut başlığı, professor, fännär doktorı Sälim Argun, Mädäniyät bülege citäkçese Ali Rıza Karabağ häm başqa räsmi zatlar tarafınnan qarşı alındı.
Mädäniyät üzägen tasma kisep, açqan Äminä Ärdoğan soñınnan koreyalı studentlarğa törek tele öyrätelä torğan sıynıfqa kerеp, studentlar belän söyläşte.
Koreyalı ike studentnıñ törekçä söyläşüen tıñlağan Äminä Ärdoğan studentlarnı alqışlap, täbrik itte.
Millätlär arasında küper bulğan tel häm mädäniyät
Äminä Ärdoğan törek telen öyränüçe koreyalı studentlarnıñ Törkiyä belän Könyaq Koreya arasında ilçe bulaçaqların belderde.
Äminä Ärdoğan üzeneñ sotsial' media akkauntında çara turında tübändägelärne urtaqlaştı:
«Mädäniyätlär arasında küper saluçı Yunıs Ämrä institutıbız Könyaq Koreyada tormışqa aşırğan törek Mädäniyät Üzägeneñ ike dus il öçen dä xäyerle buluın telim.Törek tele belän qızıqsınuçı studentlarıbız belän oçraşu, telebez häm mädäniyätebezne yıraq geografiyälärdä kürü bik qäderle.
Yunıs Ämrä institutıbız śivilizatśiyabezneñ bay mirasın dönyağa tanıtqanda keşelärne çit tel belän genä tügel, ä törle tormış räweşläre häm fikerläre belän dä tanıştıra. Çönki ber-berseneñ telen öyrängän, xikäyäsen tıñlağan häm qıymmätlären öyrängän keşelär arasında urnaşqan yaqınlıq illär arasındağı duslıqnıñ da iñ nıq nigeze bulıp tora.
Şuşı añ belän dönyanıñ törle poçmaqlarında fidaqarlek belän êşläwçe Yunıs Ämrä isemendäge institutınıñ barlıq xezmätkärlärenä çın küñeldän räxmät belderäm».
İnstitut kurslar häm mädäni çaralar täqdim itä
Törek telеn, mädäniyäten, sänğäten häm śivilizaśiya mirasın dönyağa tanıtu, cämğiyätlär arasında üzara añlaşunı häm mädäni bäyläneşlärne nığıtu maqsatın quyğan Yunıs Ämrä institutı Seuldağı mädäniyät üzäge yärdämendä Törkiyä belän Koreya Cömhüriyäte arasındağı tarixi duslıq häm qardäşlek mönäsäbätläreneñ mädäniyät, sänğät häm belem birü ölkälärendä üseşenä öleş kertä.
Äminä Ärdoğan räsmi räweştä açqan mädäniyät üzäge 2024 yıldan birle xezmät kürsätä.
Törek telen uqıtu belän bergä studentlarnıñ Törkiyägä cibärelüe, törek aş-suları kursları, traditsion qul sänğäte ostaxanäläre häm törle mädäni-sänğäti çaralar aşa koreyalı qatnaşuçılarnıñ Törkiyäne häm törek mädäniyäten yaqınnan tanularına mömkinlek tudıruçı üzäktä 21 kursant törek tele belemеn ala.
