İrannıñ Yuğarı milli qurqınıçsızlıq şurası ğomum särqatibe Möxsin Rezai AQŞ ilbaşı Donald Tramp turında: "Tramp söyläşülär dä, suğış ta alıp bara almıy", — dide.

İran matbuğatındağı xäbärlärgä qarağanda, Rezai Tähranda Azärbaycan xökümäte räise kiñäşçese Şahin Mostafayev belän oçraştı.

Oçraşu barışında Rezai: "AQŞ häm İzrailneñ İranğa höcümnäre barlık xalıqara qanunnarğa da qarşı kilä, häm İran üzen zur köç belän yaqladı. Tramp sazlıqta qaldı. TTramp söyläşülär dä, suğış ta alıp bara almıy", — dip belderde.

İleneñ AQŞqa şartlar täqdim itüen iskä töşerep, Rezai Trampnıñ qararlar qabul itä almawın äytte häm: "AQŞ suğış qırında yärdämsez buluı arqasında hawa blokadasına möräcäğät itte", — dide.

Rezai çit il köçläreneñ tarix dawamında töbäktän küp tapqırlar kilep-kitüen, läkin İrannıñ bu geografiyädä qaluın belderde.

AQŞnıñ töbäktä kiläçäge yuqlığın belderep, Rezai üz ileneñ AQŞqa qarşı nıq toruın assızıqladı.