Rusiyäneñ söyläşülär delegatsiyäsendäge ber çığanaq, jurnalistlarğa cawap birgändä, Mäskäwneñ 1 000 ğaskärineñ mäyeten Ukrainağa tapşıruın, Kiyevnıñ isä 41 üterelgän Rusiyä ğaskäriyeneñ mäyeten qaytaruın äytte.

Rusiyä dürt yıl êlek başlağan häm yöz meñlägän ğaskäri hälaq bulğan suğış barışında ike yaq ta bäreleşlärdä ülgän ğaskärilärneñ mäyetlären daimi räweştä üzara almaşa. Bu, yaqlar xezmättäşlek itkän siräk ölkälärneñ berse.

Rusiyäneñ däwlät “Ruptly” video agentlığı pänceşämbe könne aq kombinezonlı keşelärneñ ber yök maşinası artınnan aq mäyet qapçıqların alıp ikençe maşinağa küçerüe kadrların kürsätte.

Videoda, şulay uq, kombinezonnarında “Qızıl Xaç” bilgeläre bulğan küzätüçelär dä kürsätelde.

Ukraina suğış äsirläre koordinatsiä üzäge sotsial' çeltärlärdä "1 000 hälaq buluçınıñ mäyete Ukrainağa qaytarıldı" dip räsmi räsmi räweştä rasladı.

Belderüdä "Rusiyä yağınıñ süzlärençä, tapşırılğan mäyetlär Ukraina ğaskäriläreneke" diyelgän.

Kiyev êlek tä Mäskäwne Ukraina ğaskäriläre dip Rusiyä ğaskäriläreneñ mäyetlären dä tapşıruda ğayeplägän ide.

Koordinatsiyä üzäge, "Hälaq buluçılarnıñ şäxesläre açıqlanğannan soñ, mäyetlär ğailälärenä tapşırılıp, layıqlı räweştä cirlänäçäk", dide.

“Qızıl Xaç” uzğan ayda här ay yaqınça 1 000 mäyetneñ üzara tapşıru barışın ciñeläytüen, läkin "meñnärçä häm meñnärçä" hälaq buluçınıñ şäxese açıqlana almawın beldergän ide.

Rusiyäneñ 2022nçe yılnıñ fevralendä Ukrainağa qarşı başlağan höcüme İkençe Bötendönya suğışınnan birle Awrupadağı iñ qanlı suğışqa kiterde.