Törkiyä ilbaşı Räcäp Tayyip Ärdoğan uzğan yıl 180  il häm töbäkkä 10 milliard dollardan artıq saqlanu häm aviaśiya sänäğate produktları êksportlawların belderde.

İlbaşı Ärdoğan İstanbulda “13nçe  İnnovaśiya atnalığı” programmasında qatnaştı.

Ärdoğan biredäge çığışında texnologiyälär yarışında arttа qalırğa telämäwlären belderep bolay dide:

“Milli texnologiya adımı belän dön'yada sanawlı illär genä iyä bulğan ğayät’ zur tikşerenü, êşläp çığaru häm innovaśiya infrastrukturası buldırdıq. 24 yıl êlek sanı barmaq belän genä sanarlıq texnoparklarıbız bügen 115kä citte. 2002 yılda 1,2 milliard dollar täşkil itkän Törkiyäneñ tikşerenü häm êşläp çığaru çığımnarın 20 milliard dollarğa qadär arttırdıq”.

Törkiyä Yasalma intellekt ğamäl planı belän mäğlümat üzäkläreneñ ğomumi urnaştırılğan quäten 2030 yılğa qadär kim digändä 1 gigavattqa citkeräçäklären beldergän Ärdoğan bolay dip östäde:

“Mäğlümat üzäkläre, bolıtlı isäpläwlär häm yasalma intellekt infrastrukturalarına şäxsi tarmaq citäkçelegendä kim digändä 10 milliard dollar resurslar cälep itäçäkbez.  Aqıllı tel modelebez belän törle tarmaqlarda  Törkiyäneñ yasalma intellekt çişeleşlären üsterüne häm qullanunı täêmin itäçäkbez”.

İlbaşı Ärdoğan bolay dip belderde:

“Uzğan yıl bez 180 törle il häm töbäkkä 10 milliard dollardan artıq saqlanu häm aviaśiya  sänäğate produktları êksportladıq. 2026 yılnıñ ğıynwar-sentyabr aylarında isä êksportıbıznı, uzğan yılnıñ şul uq çorı belän çağıştırğanda, 15,6 %qa arttırıp, 6,9 milliard dollarğa citkerdek”.