“Xamas” düşämbe könne tön’yaq Ğazzädä İzrail öçen şımçılıq itkän dört keşeneñ üterelüe turında citkerde.
Fälästin qarşılıq törkemeneñ ğaskäri flangı “Qassam brigadaları” resmi “Telegram” kanalındağı belderüendä “Doşman İzrail öçen xezmät itkän häm “Xamas” äğzasın urlarğa tırışqan dört şımçı Ğazzädä yuq itelde,” — digän.
“Qassam” moñ östäp alarnıñ qorallarınıñ da qulğa töşerelüen äytte, läkin şäxesläre turında tulıraq mäğlümat birelmäde.
Bu xäbärgä İsrail armiyäsennän älegä bernindi kommentariy yasalmadı.
