Malidağı qaçaqlar, sıyınuçılar häm il êçendä küçerelgän keşelär sanınıñ 731 meñnän artuı belderelde.

BMO Qaçaqlar yuğarı komissarı Barxam Salix başqala Bamakoda Mali xökümäte wäkilläre belän oçraştı.

Oçraşuda täqdim itelgän mäğlümatlarğa qarağanda, 31 avgustka Malida 317 meñ 188 qaçaq häm sıyınuçı, şulay uq il êçendä küçerelgän 414 meñ 524 keşe bar.

90 meñ 412 malilı üz ilenä qaytqan, 338 meñ 369 Mali watandaşı isä başqa illärdä qaçaq bularaq yäşi.

Şulay itep, Mali  kürşe illärdä köç qullanudan qaçqan keşelärne qabul itüçe häm  yözlärçä meñ watandaşı başqa illärdä qaçaq bulıp yäşäwçe il bulıp tora.

Malidağı qaçaqlarnıñ yaqınça 80%ın yäşlär täşkil itä.

Salix yäş qaçaqlar belän alarnı sıyındıruçı cämğiyätlär arasındağı dialognı sport häm belem birü aşa nığıtırğa çaqırdı.

BMO Qaçaqlar  yuğarı komissariatı  mäğlümatlarına qarağanda, Malidağı terkälgän qaçaqlarnıñ 69,1%ı Burkina-Fasodan, 21,5 %ı Nigerdan, 8,1 %ı isä Mavritaniyädän.

Qaçaqlarnıñ küpçelege ilneñ Mopti, Gao häm Menaka töbäklärendä yäşi.