Liderlar AQŞ aradaşçılığı belän tözelgän häm Ğazzädäge İzrail genoŝidın beterüne, izraille totıqlar häm fälästinle totqınnarnıñ irekkä cibärelüen küzdä totuçı Ğazzä kileşüeneñ berençe êtabına qul quyılunı qanäğatlelek belän qarşı aldı.
AQŞ ilbaşı Donald Trampnıñ “Xamas” häm İzrail arasında Ğazzä belän bäyle kileşüneñ tözelüe turında citkerüe çit illärdä zur yañğıraş taptı.
Şaqtıy lider bu täraqqıyätne genoŝidnı beterü häm däwamlı utnı tuqtatuğa qarağan möhim adım bularaq bäyäläde.
Tramp ike yaqnıñ da Ğazzädäge suğışnı tuqtatu öçen äzerlängän plannıñ berençe êtabın imzalawın belderde. Älege kileşü buyınça äsirlär irekkä çığaçaq, izraille ğaskärilär bilgele liniyağa çigenäçäk.
Kileşü Misır, Qatar häm Törkiyä Şarm-äş-Şäyxtä alıp barğan tuıran-turı bulmağan söyläşülärdän soñ tözelde.
AQŞ ilbaşı kileşüne “yıllar buyı däwam itkän suğıştan soñ tınıçlıq urnaştıru öçen başlangıç” dip atadı.
“Yaqın Könçığış xalqı öçen tarixi adım bu. Barlıq yaqlarğa qarata ğadel bulaçaqbız. Bar dönya yaxşı närsäneñ başlanğıçına şahit. Bu – dönya öçen iskitkeç kön,” – dip däwam itte ul.
“Xamas” belderü yasap, kileşüneñ yawlawnıñ beterelüen, gumanitar yärdämneñ töbäkkä kerüen häm äsirlär belän almaşunı üz êçenä aluın citkerde.
Netanyaxu Trampka liderlığı, partnyerlığı häm İzrailneñ iminlege belän totıqlarnıñ azat itelüenä bulğan qaqşamaz bäylelege öçen räxmät belderde.
“Täwäkkäl totış, köçle xärbi ğamäl häm dustıbız, berlektäşebez ilbaşı Trampnıñ zur tırışlıqları yärdämendä bu kritik borılış noqtasına cittek. İzrail däwläte öçen diplomatik uñış häm milli ciñü,” – dide ul.
Qatar tışqı êşlär ministrlığı süzçese Macid Äl-Ansari häm BMO ğomum särqätibe Antoniu Guterreş ta kileşüdän qanäğat qaluların citkerde.
