AQŞnıñ Änkaradağı ilçese Tom Barrak Ärdoğan-Tramp söyläşüennän soñ kileşüneñ tözelüen döres dip belderde läkin hawa yulı şirkätläreneñ älegä soñğı qararnı birmäwlären äytte.

İlçe Barrak: “Törek hawa yulları”nıñ “Boeing” oçqıçların satıp aluı tögällände,” – dide. Bu täraqqıyät Amerikalı oçqıç citeşterüçe “Boeing” şirkäte belän Törkiyäneñ aviaśiya şirkäte arasında möhim kileşü bula alaçağına işaräläde.

Barrak belderülärne Törkiyä ilbaşı Räcäp Tayyip Ärdoğan belän AQŞ ilbaşı Donald Tramp arasında uzüan söyläşüdän soñ yasadı.

“Törek hawa yulları” uzğan atnada “Boeing” belän potenśial zakaz turında söylaşülärneñ däwam itüen açıqlağan ide.

“Törek hawa yulları”nıñ êlemtädän cawaplı başlıq urınbasarı Yaxya Üstün uzğan atnada mäs’älä belän bäyle bularaq bolay digän ide: “Bu mäs’äläne “Boeing” belän küptännän qarıybız läkin älegä tögäl qarar qabul itelmäde.”

“Boeing” yäisä “Törek hawa yulları Barraknıñ belderüläre xaqında cämäğatçelekkä anlatma yasamadı.

“Törek hawa yulları” öçen kiñäyü strategiyase

“Törek hawa yulları” häm “Boeing” uzğan yılnı “Törek hawa yulları”nıñ global yök aviataşuları bazarındağı wazğıyäten nığıtu öçrn 4 danä “777” yök oçqıçı zakazı mäs’äläsendä kileşü tözegän ide.

Bu kileşü “Törek hawa yulları”nıñ üseş strategiyase belän ahäñle kürenä. Älege strategiya “Törek hawa yulları”nıñ artuçı säfär çeltärenä xezmät kürsätü öçen yök häm yulçı sanın arttırunı üz êçenä ala.

Törkiyäneñ ikençe aviaśiya şirkäte bulğan “Pegasus” ta uzğan yılnı 200 “Boeing” oçqıçına zakaz biräçägen citkergän ide. Bu da Törkiyä bazarınıñ “Boeing” öçen ähämiyätle buluın kürsätä.

“Boeing” Awrupalı köndäşe “Airbus” belän yaña kileşülär tözü öçen tırışa.

İstanbul aêroportınıñ möhim global üzäk bularaq xezmät kürsätüe belän Törkiyäneñ üsüçe aviaśiya tarmağı ike şirkätneñ dä iğtibar üzägenä äylände.

Ärdoğan häm Tramp arasındağı söyläşüdä “Boeing” mäs’äläse quzğatılmasa da, tağın da kiñ iqtisadi häm iminlek mäs’älälären üz êçenä aldı.