Yämändäge xusilär Soğud Ğaräbstanınıñ könçığış töbägenä atqan 3 ballistik raketa häm 4 dron hawa saqlanu sistemaları tarafınnan yuqqa çığarılğan.
Soğud Ğaräbstanı citäkçelegendäge Ğaräp koalitsiyäse belderüendä xusilärneñ Soğud Ğaräbstanınıñ könçığış töbägenä ballistik raketalar oçırtuı citkerelde.
"Terrorçı xusi suğışçıları tarafınnan Sogud Ğaräbstanınıñ könçığış töbägenä yünältelgän 3 ballistik raketa yuq itelde,” - dip äytelgän belderüdä ilneñ kön'yağında bilgelängän 4 dronnıñ totqarlanıp, yuq itelüe dä urın aldı.
Soğud Ğaräbstanı grajdannar saqlanu idaräse Harc vilayäte häm könçığış töbägendä irtä kisätü sistemalarınıñ êşkä kereşüen açıqlağan ide.
Yämändäge İrannıñ yaqlawında bulğan xusilär Soğud Ğaräbstanda başqala Är-Riyad häm küp kenä töbäkkä ballistik raketalar häm dronnar belän höcüm itä.
