Kot-d’Ivuar ilbaşı Alassan Uattara saylaw komissiyase tarafınnan düşämbe açıqlanğan waqıtlı näticälärgä kürä yañadan saylawda ciñep, dürtençe çorğa uzğan däwlät başlığı bulıp qalğan.
83 yäşlek êlekke xalıqara bankir tawışlarnıñ 89.77%ın cıydı. Uattara berençe tapqır 2011 yılda xakimiyätkä kilgän ide.
Loran Gbagbo ul waqıtta ciñelüen tanırğa telämägän häm bu yaqınça 3 meñ keşeneñ ğomere özelgän 4 aylıq suğışqa kitergän ide.
Uattara şunnan birle dönyanıñ iñ zur kakao citeşterüçe ilendä tınıçlıq häm totrıqlı iqtisadi üseş çorın täemin itte.
Saylawda qatnaşu yaqınça 50% bulğan, bu 2010 häm 2015 yıllardağı ilbaşı saylawları belän çağıştırırlıq. Läkin 2010 yılda berençe turda kürelgän 80%tan küpkä tübän.
Bu yılnı Loran Gbagbo häm “Credit Suisse”nıñ êlekke yuğarı däräcäle citäkçese Tidjane Thiam saylawda qatnaşa almadılar. Qalğan oppoziśiya namzätläre zur säyäsi partiya yaqlawınnan mäxrüm qalğaç Uattara zur ayırma belän ciñü yawladı.
