Organizatorlar: “Saylaw ayında başqalada qızıl sızıq sızıp, Niderlandtağı säyäsätçelärne häm xalıqnı täwäkkällek kürsätergä çaqırabız,” – dide.
Amsterdamda Ğazzädäge genośidka qarşı Niderland xökümäteneñ tağın da köçle adımnar yasawın taläp itüçe zur “Qızıl sızıq” protestı uzdı.
Organizatorlarğa kürä yäkşämbe könne oyıştırılğan çarada yaqınça 250 meñ keşe qatnaştı häm bu “NOS” media oyışması beldergänçä soñğı yıllarda Niderlandtağı iñ zur protest çaralarınnan berse buldı.
Qızıl kiyem kigän protestçılar xökümätneñ İzrailgä qarağan totışına qarşı simvolik qızıl sızıq sızu maqsatı belän başqaladağı Muzeumplaynda cıyılğannan soñ çara uzdırdı.
Oyıştıruçılar may häm iyun aylarında Gaagada oyıştırılğan monnan aldağı “Qızıl sızıq” protestlarında 100 meñ häm 150 meñ keşeneñ qatnaşuın belderde. Öçençe çaranı oyıştırudağı maqsatnı isä suğışnı tuqtatu öçen äz närsäneñ başqarıluı buluın äyttelär.
“Saylaw ayında başqalada qızıl sızıq sızıp, säyäsätçelärne häm xalıqnı täwäkkällek kürsätergä çaqırabız,” – didelär.
“Amnesty International”, “Oxfam Novib”, “Pa”x häm “The Rights Forum” kebek 130dan artıq keşe xoquqların yaqlaw törkeme çarağa xuplaw kürsätte.
Şulay uq berniçä yähüd oyışması da İzrail säyäsätlärenä qarşı çığu häm bu säyäsätlärneñ barlıq yähüd cämğıyätennän bulmawın assızıqlar öçen çarağa quşıldı.
Protestçılar Niderlandnıñ genośidnı xuplawınnan waz kiçüe häm Ğazzädä 67 meñnän artıq keşe ülgän suğışta şunduq utnıñ tuqtawı zarurlığı belderüçe plakatlar kütärde.
Premyer-ministr Dik Şuf X platformasında belderü yasap, protestçılarnıñ yarsuın, borçuların häm çarasızlıq xis-toyğıların añlawın citkerde.
“Ğazzädäge qayğı-xäsrät qabul itelmäslek,” – digän premyer, xökümätneñ İzrailgä totışın üzgärtüe öçen basım yasawın häm utnı tuqtatırğa bulışu öçen tırışlıqların arttıruın belderde.
Trampnıñ utnı tuqtatu täqdimen ömetländerüçe dip atağan Şuf Niderlandnıñ aradaşçılar Qatar häm Misırnıñ suğışnı beterü tırışlıqların xuplawın äytte.
Şuf: “Ğazzädäge suğış tuqtarğa häm Yaqın Könçığışta daimi, ğadel tınıçlıq urnaşırğa tiyeş,” – dide.
Başqa urınnardağı protestlar
İspaniyadä dä 21 aktivistnıñ qaytuınnan sıñ ildä 10 meñlägän keşe Ğazzädäge genośidka qarşı protest çarası oyıştırdı.
Paqıstannıñ säwdä başqalası bulğan Karaçida 10 meñlägän keşe İzrailneñ Ğazzägä höcümeneñ ikençe yıllığın iskä alu häm qamaw astındağı töbäktä däwam itüçe genośidka qarşı xalıqara cämäğatçelekne qarşı torırğa çaqıru öçen yäkşämbe könne uramnarğa ağıldı.
Öç töstäge Fälästin bayraqların kütärgän häm tradiśion şarfların kigän ir-atlar, xatın-qızlar häm balalar Paqıstanda yaña protest dulqınınıñ ber öleşe bularaq şähärneñ töp prospektı Şara-ä-Faysalnı tutırdı.
Miting ilda soñğı aylarda şaqtıy protest çarasın citäklägän dini-säyäsi partiya İslam cämäğate tarafınnan oyıştırıldı.
Törkiyädä İstanbul häm Änkarada cıyılğan keşelär qamalış astındağı töbäktä İzrail küpläp üterülärenä qarşı törek häm Fälästin bayraqların kütärep, rizasızlıq belderde.
