Törkiyä belän Qırğızstan arasındağı mädäni häm sänğät xezmättäşlegen nıqıtunı maqsat itkän "Törkiyä-Qırğızstan törki film könnäre", bıyıl 10 nçı tapqır Qırğızstan başqalası Bişkäktä ütkäreläçäk.
Mädäniyät häm turizm ministrlığı belän Qırğızstannıñ mädäniyät, informaśiyä häm yäşlär säyäsäte ministrlığınıñ yärdäme belän oyıştırılaçaq çara Kinematografiyaneñ töp idaräse, Qırğızstan Kinematografiyä departamentı, Bişkäk ilçelege häm Cirle uy-fiker cämğıyäte xezmättäşlegendä 3-7 iyün könnärendä uzaçaq.
Festival qısalarında kürsäteläçäk böten film seansları, 5 kön buyı qırğız xalqı öçen tüläwsez bulaçaq.
Çara däwamında universitet äñgämäläre, prodyusser häm rejissyer oçraşuları, mädäni säyäxätlär belän tarmaq çaraları oyıştırılıp, kino ölkäsendäge xalıqara xezmättäşlekneñ üsterelüe maqsat itelä.
Festivalneñ açılışı Kinematografiyaneñ töp idaräse mödire Birol Güven qatnaşında 3 iyün çärşämbe könne Bişkäktäge Alaa-Too kinozalında çınğa aşaçaq.
Açılışta "Mutluyuz Mu" (Bez bäxetleme?) filmı kürsäteläçäk. Premyerada filmda töp rolne uynağan İbrahim Büyükak, prodyusserı Xasan Koray Şahin belän sśenarist häm rejissyerı Murat Ämrä Kaman da qatnaşaçaq.
Çarada şulay uq "Bak Postacı Geliyor" filmınıñ töp rol uyınçısı Däniz Barut belän rejissyerı Yüksel Aksu, "Bir Adam Yaratmak" filmınıñ rejissörı Murat Çeri, "Kanto" filmınıñ rejissörı Ensar Aksoy belän ber rättän küp sandağı prodüsser, rejissör, uyınçı häm kino tarmağı wäkile dä bulaçaq.
Festival qısalarında "Mutluyuz Mu”, “Bak Postacı Geliyor”, “Bir Adam Yaratmak”, “Kanto” häm “Efesin Sırrı" filmnarı, Bişkektä kino söyüçelärneñ iğtbarına täqdim iteläçäk.
