Törkiyä ilbaşı Räcäp Tayyip Ärdoğan tışqı êşlär ministr urınbasarı Nuh Yılmaznı Dimäşkkä Törkiyäneñ yaña ilçese bularaq bilgeläde.
Bu adımnı Törkiyä 13 yıldan soñ yasadı.
Belderü çärşämbe könne Ärdoğannıñ imzası belän “Räsmi gazet”ta yasaldı.
Törkiyäneñ Milli saqlanu ministrı Yaşar Gülär Nuh Yılmaznı qabul itte häm yaña wazıyfası belän qotladı.
Yılmaz älege wazıyfa öçen ilbaşı Ärdoğan häm tışqı êşlär ministrı Xaqan Fidanğa räxmät belderde.
Nuh Yılmaz X platformasında bolay dip yazdı: “Törkiyä belän Süriyä arasında ğasırlar buyı däwam itep kilgän köçle gumanitar häm mädäni bäyläneşlärdän köç alıp, mönäsäbätlärebezne kürşe il xoquqı häm töbägebezneñ tınıçlıq häm totrıqlılığına öleş kertäçäk itep üsterergä tırışaçabız. Törkiyäneñ Süriyä xalqına iñ awır könnärendä bulışuın yaqınnan kürdem. Monnan soñ da Törkiyä däwläte bularaq xalıqlarıbıznıñ mullığı, xozurı häm urtaq kiläçägebezgä bergä şäkel birü öçen süriyäle qardäşlärebez belän bergä êşlärgä däwam itäçäkbez.”
AQŞnıñ Törkiyädäge ilçese häm Süriyä maxsus wäkile Tom Barak yaña bilgelängän ilçe Nuh Yılmaz belän tığız xezmättäşlek başqarunı zarığıp kötüen citkerde.
