Paqıstan prem’yer-ministrı Şahbaz Şärif AQŞ belän İran arasında tınıçlıq kileşüenä bik yaqın buluların häm kileşüneñ 24 säğat’ êçendä tämamlanuın kötülären belderde.
Şärif AQŞta urnaşqan “X” sosial media platformasında yasağan belderüendä: “Bez AQŞ–İran tınıçlıq kileşüenä bik yaqın. Kileşüneñ 24 säğat’ êçendä tämamlanuın kötäbez”, —dip citkerde.
Şärif Paqıstannıñ tınıçlıq kileşüenä êlektron qul quyuğa äzerlekne däwam itüen häm kiläse atnada texnik däräcädä söyläşülär ütkäreläçägen belderde.
Şärif söyläşülär waqıtındağı qatğıylıqları öçen AQŞqa häm İranğa räxmät belderep bolay dide:
“Bez töbäktäge qärdäşlärebezgä dä yärdämnäre öçen çın küñeldän räxmätlärebezne citkeräbez. Bu tarixi kileşüneñ daimi tınıçlıq öçen nıqlı nigez buldıraçağına ışanabız”.
