Törkiyä säwdä ministrı Ömär Bolat Törkiyä–Äzärbaycan–Gruziya Êş forumında yasağan çığışında Törkiyäneñ mili tulayım tabışı 2026 yılda 1,6 trillion dollarğa citäçäk dip belderde.
Ministr bu kürsätkeçneñ Räcäp Tayyip Ärdoğan xakimiyätkä kilgän 2002 yıl belän çağıştırğanda altı tapqırğa yuğarıraq buluın iskärtte.
Forum pänceşämbe könne Gruziyänen Śunandali şähärendä uzdı.
Bolat ilneñ ber keşegä turı kilgän milli tulayım tabışınıñ bıyıl 18 meñ dollarğa citäçägen häm monıñ 2002 yıl belän çağıştırğanda biş yarım tapqır kübräk buluın, monıñ Törkiyäne Awrupanıñ bişençe zur iq’tisadı itüen äytte.
Ministr oçraşunı “Kafkaz Davosı” dip atadı häm anıñ xökümätlär däräcäsendä dä, êş dön’yası wäkilläre arasında da ike yaqlı mönäsäbätlärne arttıru öçen küp mömkinleklär täq’dim itüen citkerde.
Bolat Kavkaznıñ törle mädäniyätlär oçraşqan töbäk buluın häm könçığış belän könbatış, tön’yaq belän kön’yaq arasında möhim tranzit noqtası bulıp xezmät itüen belderde.
Ministr geostrateġik urnaşuları arqasında Törkiyä, Äzärbaycan häm Gruziyäneñ dönya ênergiya tapşıru häm logistika yullarınıñ üzägendä toruın assızıqlap, arta baruçı xalıqara säwdä, port operaśiyäläre, aviakompaniya operaśiyäläre, mäğ’lümat texnologiyäläre häm yasalma intellekt kebek tarmaqlarda investiśiya xezmättäşlegenä zur ömet belderde.
Bolat räsmi zatlar êşxanälär öçen “yul açu häm yuldağı minalarnı çistartu” cawaplılığın üz öslärenä alırğa tiyeşlegen assızıqladı, monıñ tağın da yaqınraq iq’tisadi integraśiya täêmin itü öçen möhim buluın belderde.
