Dawıl arqasında Franśiyadä 100 meñnän artıq öy utsız qalğan.

İlne ênergiya belän täêmin itüçe “Enedis” pänceşämbe belderü yasap, kötelmägän köçle cil näticäsendä ağaçlar häm botaqlarnıñ êlektr liniyalärenä töşüen citkerde.

Könyaq-könbatışta urnaşqan Yaña Akvitaniyadä 45 meñ öy, könçığıştağı Burgundiya - Franş-Konte häm könyaq-könçığışta urın alğan Overn-Rona-Alp töbäkläreneñ härbersendä 15 meñ öydä ut bette.

Yaña Akvitaniya töbägendäge 12000 öy êlektrsız qaldı, barlıq poyezd säfärläre tuqtatıldı häm öç keşe ciñelçä cäräxät aldı.

Atlantik yar buyında köçle cil näticäsendä ilneñ şaqtıy urınında ağaçlar audı.

Angliyaneñ “Met Office” hawa xezmäte Bendjamin dawılınıñ ildän kitä başlawın, tä'sireneñ dä äkrenläp kimi baruın belderde.

Amsterdamdağı Sxiphol aêroportında distälägän reys ğamäldän çığarılğan häm tağın da kiçekterülär kötelä.

Niderlandnıñ könbatış vilayätläre öçen sarğılt-qııl töstä sörän salındı.