Rusiyä awıl xucalığı ministrı Oksana Lut üz ileneñ başqalası Mäskäwdä uzğan "2nçe Xalqara veterinariya qurqınıçsızlığı forumı"nda sorawlarğa cawap birde.
Lut illärneñ ber-bersenä törle produkt törkemnären satuına iğtibar itep, bolay dide: "Törkiyä häm Rusiyä awıl xucalığında ber-bersen tulılandıra. Bez Törkiyägä, nigezdä, börteklelär, maylı orlıqlar häm neft produktları cibäräbez. Törkiyädän, başlıça, ciläk-cimeş häm yäşelçälär satıp alabız".
Törkiyä partnerların "Rusiyäneñ totrıqlı partnerları" dip atağan Lut bolay dip belderde: "Bez xäzerge awır xälneñ (Ukraina belän suğış arqasında) bezgä êşebezne, säwdäbezne häm, älbättä, duslığıbıznı däwam itärgä komaçawlamayaçağına ömetlänäbez".
