Hindstannıñ Könbatış Bengaliya ştatında köçle yawım – töşemnär kiterep çığarğan cir şuışular häm ber küperneñ cimerelüe näticäsendä ülüçelär sanı 24kä citkän.

Könbatış Bengaliya prem’yer - ministrı Mamata Banerdji beldergänçä, Tön’yaq Bengaliya häm Kön’yaq Bengaliyanıñ törle töbäkläre kötelmägän köçle yañğırlar näticäsendä sular astında qalğan.

Banerdji X platformasında urtaqlaşqan yazmasında Tön’yaq Bengaliyadağı turistlarğa poliśiya alarnı imin räweştä êvakuaśiyälägänçe üz urınnarında qaluların kiñäş itkän.

Ştatnıñ Dardjiling töbägennän xalıq ışanıçlısıı Raju Bista da cir şuışular bulğan töbäktä 24 keşeneñ ülüen rasladı.

Prem’yer-ministr Narendra Modi isä zıyan kürüçelärgä barlıq kiräkle yärdämneñ kürsäteläçägen belderde.

Modi X platformasında ingliz telendä urtaqlaşqan yazmasında bolay dide: “Dardjilingtağı küper faciğase näticäsendä bulğan yuğaltularğa bik borçılam. Yakınnarın yuğaltqan keşelärneñ qayğısın urtaqlaşam. Cäräxätlär alğan keşelärneñ tizräk sawığuın telim. Köçle yawım-töşemnär häm cir şuışulardan soñ Dardjiling häm anıñ tiräsendäge wäzğıyät’ yaqınnan küzätep barıla”.