Rusiyäneñ tönge säğat’lärdä Ukrainanıñ başqalası Kievkä oyıştırğan hawa höcümendä 14 keşe, şul isäptän 4 bala, yaralanğan.
Kiev xärbi idaräseneñ “Telegram”da yasağan belderüendä bolay diyelä: “Barlıq yaralanuçılarğa da mediśina yärdäme kürsätelä, qayberläre xastaxanägä ozatıldı”.
Kiev şähär xaximiyäte başlığı Vitaliy Kliçko beldergänçä, höcüm näticäsendä ike küp katlı toraq yort zıyan kürgän. Läkin ul binalarğa turıdan-turı höcüm yasalğanmı, yuğıysä qoral qaldıqları yort komleksına êläkkänme, bu xaqta mäğ’lümat birmägän.
2014 yılda Qırımnı häm Donbass ölkäseneñ ber öleşen anneksiyälagän Rusiya 2022 yılnıñ fevralendä isä Ukrainağa basıp alu xäräkäte başlattı.
Xäzer dä däwam itkän suğışta ike yaqtan da yöz meñlägän ğaskäri häläq buldı, Ukrainada tınıç xalıqtan meñlägän keşe höcümnärdä ğomeren yuğalttı.
