Cirle mediağa kürä bu adım çiktän tış uñçı Finans ministrı Beśalel Smotriçnıñ yaña bistälärne häm monnan alda cimerelgän urınnarnı üz êçenä aluçı täqdimennän soñ yasaldı.

İzraildäge cirle medianıñ comğa könge xäbärenä kürä İzrail iminlek kabinetı yaw astındağı Yordannıñ könbatış üzänlegendä 19 bistäne legalläşterü planın rasladı.

Älege qarar pänceşämbe kiçke sägätlärdä oyıştırılğan kabinet cıyılışında qabul itelde. Qararğa kürä yaña qorılğan qayber bistälär belän yanındağı êlektän tözelgän yähüd bistäläre räsmi status alaçaq.

“Kanal 14” citkergänçä älege bistälär arasında 2005 yılda buşatılğan Ganim häm Kadim dä bar.

Säyäsi qararnıñ ğamälgä kerüe öçen tizlätelgän plan barışı başlatılaçaq.

İzraildäge “Tınıçlıq waqıtı” isemle sul qaraşlı törkem yaw astındağı Yordannıñ könbatış üzänlegendä 500 meñ tiräse, yaw astındağı Könçığış Qodüstäge cirleklärdä isä 250 meñ qanunsız kilep urnaşqan yähüdneñ yäşäwen äytä.

1948dä Fälästin cirlärendä qorılğan İzrail soñınnan Fälästinneñ qalğan öleşen yawladı.