Paqıstannıñ tönyaq-könbatışındağı Xayber - Paxtunxva provinśiyäsendä comğa namazı waqıtında  mäçet yanında şartlaw bulğan.

Berençe mäğlümatlarğa qarağanda, şartlaw näticäsendä 15 keşe hälaq bulğan, 50dän artıq keşe yaralanğan.

“Geo News” kanalı xäbär itüençä, Xayber - Paxtunxva provinśiyäseneñ  Koxat rayonındağı İminlek mödirlege kompleksında urnaşqan mäçettä şartlaw bulğan.

Koxat rayon üzäk xastaxanäse baş tabibı Taxir Ali Şah şartlawda 15 keşeneñ hälaq buluın, yaralanğan 50dän artıq keşeneñ däwalanuın belderde.

İminlek wäqalätleläre comğa namazı waqıtında bulğan köçle şartlaw näticäsendä mäçetneñ tışqı öleşendä çoqır barlıqqa kilüen, mäçetneñ tışqı öleşeneñ zur zıyan kürüen häm ber divarınıñ cimerelüen citkerde.

Waqıyğadan soñ şartlaw bulğan Koxat-Xangu yulı transport xäräkäte öçen yabılğan, ä Koxat rayon üzäk xastaxanäsendä ğadättän tış xäl iğlan itelgän.

Töbäkkä östämä iminlek köçläre cibärelgän, êzläw häm qotqaru êşläreneñ däwam itüe belderelä.