Rod-Aylend ştatınıñ Providens şähäre mêrı Bret Smayli bolay dide: “Bügen töştän soñ ike keşeneñ ülüen häm 8 keşeneñ awır yaralanuın äytä alam,” – dide.
Şimbä könne töştän räsmi zatlar abruylı Braun universitetı kampusında ber qorallı höcümçeneñ ike keşene üterüen häm 8 keşene yaralawın, höcümçeneñ haman da totılmawı arqasında xalıqqa öydän çıqmasqa quşuların citkerde.
Providens mêrı matbuğat oçraşuında: “Bügen töştän soñ ike keşe ülde häm 8 keşe awır yaralandı,” – dide.
Qorallı höcüm yuğarı uqu yortı kampusındağı injenerlık häm fizika fakultetları urnaşqan Barus and Holley binasında barlıqqa kilde.
Universitet räsmi zatları höcüm waqıtında binada şaqtıy imtixannıñ uzuın belderde.
İminlek räsmi zatlar isä şöbhäle keşene qara kiyengän ir-at buluın äytte.
Poliŝiya şefı urınbasarı Timoti Oxara: “Bu şiklene tabu öçen barlıq resurslarnı qullanabız. Öydän çıqmaw amere üz köçendä häm keşelärgä bu boyırıqqa citdi qararğa kiñäş itäm. Zinhar, monda kilmägez,” – dide.
“İşeklärne biklägez, telefon tawışın qısığız!”
Räsmi zatlar qorallı höcümçene soñğı tapqır binadan çıqqanda kürülären, bernindi qoral tapmawların äytte.
Braun universitetı cirle waqıt belän 16:22dä ğadättän tış xäl turında kisätep, mondıy belderü yasadı: “İnjenerlık häm fizika fakultetları binasında qorallı höcümçe bar. İşeklärne yabığız, telefon tawışın qısığız, yäşerenegez!”
İminlek köçläre häm aşığıç yärdäm kürsätü törkemnäre waqıyğa urınına cibärelde, cirle xäbär kanalı “WPRI” trotuarda kiyem häm qannıñ buluın belderde.
FBR mödire Keş Patel isä X platformasında Federal poliŝiyaneñ barlıq mömkinleklärne qullanıp, cirle poliŝiyagä yärdäm kürsätüen belderde.
Tämäke, isertkeç êçemleklär, utlı qorallar häm şartlatqıçlar byurosınnan agentlar da yärdämgä kilde.
“Brown Daily Herald” studentlar gazetına belderü yasağan Keti San ber binada qoral tawışı işetüen, böten närsäne taşlap, tulay toraqqa çabuın citkerde.
“Bik qurıqtım, qoral tawışları uquçılar bulğan sıynıflardan kilde sıman,” – dide ul.
Donald Tramp ta: “Bik qurqınıç närsä bu. Xäzer qorbannar öçen doğa uqu waqıtı,” – dide.
Boston yanındağı Providensta urnaşqan Braun universitetında yaqınça 11 meñ student belem ala.
