Çexiya qurqınıçsızlıq küzläw xezmäte başlığı Mixal Kudelka Rusiyäneñ kiläse aylarda NATO illärenä qarşı operaśiyälären köçäytä aluı turında kisätte.
“Radio Prague International” xäbärenä qarağanda, Kudelka Wäkillär palatasında uzğan konferenśiyädä NATOğa yanawlar turında belderülär yasadı.
Kudelka Rusiyäneñ Könbatış demokratiyälären, şul isäptän Çexiyäne dä êçtän köçsezländerügä häm ayıruça NATO belän Awrupa Berlege kebek oyışmalarnıñ bötenlegen qaqşatuğa yünältelgän êşçänlek belän şöğıl’länüen belderde.
Rusiyäneñ kiläse aylarda NATO illärenä qarşı operaśiyälären köçäytä aluın farazlağan Kudelka, mömkin bulğan operaśiyälär arasında Ukrainağa yärdäm kürsätüçe ob'yektlarğa qarşı sabotaj , qoral skladlarına pilotsız oçu apparatları belän höcümnär häm iñ êkstremal sśenariyda NATO illäreneñ bersenä qarşı çiklängän xärbi operaśiya başqaru bula aluın äytte.
