Sara Mullalli Angliya çirkäweneñ yaña Kenterberi arxiyepiskopı bularaq bilgelände häm bu wazıyfağa kilgän berençe xatın-qız buldı.

Angliya çirkäweneñ tarixı Rim imperiyäsenä qadär barıp totaşa häm bu bilgelänü global’ Anglikan cämäğate öçen möhim waqıyğa.

Angliya çirkäwe dön’yaküläm Anglikanizmnıñ töp çirkäwe bulıp sanala.

 63 yäş’lek Mallalli çirkäwneñ 106nçı Kenterberi arxiyepiskopı buldı.

Berençe arxiyepiskop 6 nçı ğasır azağında bilgelängän bulğan.

Êlektän şäfqat’ tutaşı bulğan Mallalli yaña wazıyfasın zur cawaplılıq dip atadı, ämma Allağa ışanıç häm tınıçlıq xise belän bu xezmätne üz östenä aluın belderde.

Mallalli 2018 yılda Londonnıñ berençe xatın-qız yepiskopı buldı.

Çirkäw yıllar buyı däwam itkän bäxäslärdän soñ 2014 yılda xatın-qız yepiskoplarga röxsät birä başladı.

Anglikan dön’yasındağı qayber çirkäwlär inde küptännän xatın-qız yepiskoplarğa röxsät birä.

Berençe xatın-qız yepiskop 1989 yılda AQŞta bilgelängän ide.

 Bügen Angliyadäge 108 yepiskopnıñ 40tan artığı xatın-qızlardan tora.

 Xatın-qız din xezmätkärlärenä berençe tapqır 1990 yıllar başında röxsät birelgän ide.