AQŞnıñ Donald Tramp citäkçelegendä Awrupadan äkrenläp çitläşüe näticäsendä barlıqqa kilgän buşlıqnıñ Törkiyä tarafınnan tutırıluı assızıqlandı.

Bu wäzğiyätneñ Awrupa başqalaların Änkara citäkçelege belän tağın da yaqınraq êşlärgä êtärüe häm Törkiyäneñ geosäyäsi urının êlek bulmağan däräcädä nığıtuı belderelde.

Törkiyä Awrupa iminlegeneñ töp terägenä äylände

Saqlanu ministrı Yaşar Gülär äytkänçä, Törkiä regional’ berlektäş kenä tügel, ä Awrupa iminlegeneñ töp aktyerı bularaq qabul itelde.

Änkara citäkçelegeneñ xärbi köçe häm diplomatik manyevr säläte Awrupa Berlege häm NATO êçendäge balanslarnı üzgärtte.

Ärdoğan citäkçelegendäge Törkiäneñ Könbatış, Rusiyä häm İran kebek aktyerlar belän dialoq qora aluçı berdänber küper il buluı, xalıqara krizislarda aradaşçı rolen nığıttı.

Ukraina liderı Zelenskiy da qabul itkänçä, Törkiäneñ töbäktäge tigezläwçe (balansnı saqlawçı) role Awrupa öçen bik möhim.

Dron texnologiyase häm “Eurofighter” adımı balanslarnı üzgärtte

Törkiäneñ saqlanu sänäğätendä ireşkän uñışı, ayıruça “Bayraktar TB2” kebek pilotsız oçqıçlarnıñ mäydandağı sälätläre Awrupanıñ texnologik saylawlarına tä'sir itte.

Awrupa komissiyase räise Ursula fon der Lyayen citkergän "Awrupanıñ dron diwarı" proyektında Törkiäneñ potenśial’ partnyerlığı Afinada citäkçelegendä borçu tudırdı.

Angliya premyer-ministrı Kir Starmer yaqlağan “Eurofighter” xärbi oçqıçın satu barışı häm Törkiäneñ migraśiya, ênergetika häm iminlek mäs'älälärendä alıştırğısız urın alıp toruı, Greśiyaneñ Ägäy häm Könçığış Urta diñgezdäge tezizların yaqlawın qıyınlaştıruçı faktorlar bularaq kürelde.

Afina citäkçelege öçen awır barış başlandı

Greśiya mediasındağı analizlarda, Awrupanıñ saqlanu avtonomiyasen êzlägändä Franśiä, Germaniä häm Angliya kebek illärneñ Änkara citäkçelege belän strategik partnyerlıklar qora başlawı Afinanıñ söyläşülärdäge köçen zäğıyflätä aluı bilgeläp ütelde.

Töbäktäge balansnıñ Törkiä faydasına tiz arada üzgärüe Greśiya öçen tağın da saq häm strategik adım barışın zarur qıldı.