Räsmi zatlar Kiyevnıñ zur ballistik raketa höcümenä duçar buluın häm höcümnärdä kim digändä biş keşeneñ yaralanuın belderde.
Ukraina başqalasında köçle şartlaw tawışları işetelde. Şähär üzägendäge ber metro stanśiyasenä isä distälägän keşe töşte.
Kiyevnıñ Xärbi idaräse başlığı Timur Tkaçenko, Telegram-kanaldan yasağan belderüendä: “Başqala tığız ballistik raketa höcümenä duçar,” - dide.
Mêr Vitaliy Kliçko isä, biş keşeneñ yaralanuın häm bolardan berseneñ xastaxanägä salınuın äytep, 3 rayonda yanğınnar çığuın häm toraqlarda zarar barlıqqa kilüen citkerde.
Ukrainalı räsmi zatlar häm AQŞnıñ Kiyevtağı ilçelege, Rusiyä kontrolendäge Ukrainanıñ könçığışına oyıştırılğan qanlı höcümnärdän cawaplı bulğannarnı cäzağa tartaçağın açıqlağannan soñ başqalağa yünälgän zur höcüm ixtimalı turında monnan alda kisätü yasağan ide.
Şimbä könne Ukraina däwlät başlığı Volodimir Zelenskiy häm AQŞnıñ Kiyevtağı ilçelege dä zur Rusiyä hawa höcüme qurqınıçı turında kisätü yasadı.
Zelenskiy: “Oreşnik”nı da kertep törle qoral törläre qullanılaçaq, Kiyevnı üz êçenä aluçı Ukraina cirlärenä yünälgän berläşkän höcüm äzerlegeneñ bilgelären küräbez,” - dide.
“Oreşnik” – Rusiyäneñ atom-töş başça taşu säläte bulğan gipersonik raketası.
Mäskäw citäkçelege älege höcümdä ber kolledj tulay torağının zıyan kürüen häm kimendä 18 keşeneñ ülüen açıqladı.
Pänceşämbe tönennän comğa irtäsenä qadär oyıştırılğan dron höcüme Ukrainanıñ soñğı aylardağı iñ qanlı höcümnärennän berse buldı, yawlap alınğan Lyugansk töbägendäge Starobılskta 42 keşe dä yaralandı.
