Ğazzä sälamätlek saqlaw ministrlığı genośid başlanğannan birle ike yıldan kübräk waqıt uzuın häm İzrailneñ 70 meñnän kübräk keşene üterüen xäbär itte.

Belderüdä äytelgänçä, ğomere özelgän keşelär sanı 70 100 gä citkän.

Ministrlıq bu yuğaltulardan 354eneñ 10 oktyabr’dä utnı tuqtatu gamälgä kerğännän soñ buluın belderä.

Ministrlıq soñğı 48 säğat’ êçendä Ğazzädäge xastaxanälärgä ike mäyet kiterelüen, berseneñ cimerelgän bina astınnan çığarıluın citkerde.

Yuğaltularnıñ artuı 299 mäyetkä qağılışlı mäğ’lümatnıñ êşkärtelep räsmi räweştä raslanuı belän bäyle buluı äytelde.

Utnı tuqtatu täêmin itelügä qaramastan, blokada häm kileşüne bozular säbäple qamaw astındağı Fälästin cirendä tirän gumanitar krizis däwam itä.

Gumanitar sınaw

Yuğaltular turındağı xäbär Berläşkän Millätlär Oyışmasınıñ här yıl 29 noyabr’dä iskä alınğan Fälästin xalqı belän teläktäşlek köne belän ber ük köngä turı kildе.

BMO ğomum särqatibe Antonio Guterreş belderüendä bolay dide:
“Bu faciğa küp yaqlap xalıqara cämäğat’çelekkä buınnar däwamında yünäleş birgän normalar häm qanunnar öçen zur sınaw buldı”.

Ul şulay uq:
“Tınıç xalıqtan şul xätle keşeneñ üterelüen, xalıqnıñ küçerelüen häm gumanitar yärdämnärgä kirtä quyunı bernindi şartlarda da qabul itü mömkin tügel”,- dide.

BMO ğomum särqatibe Antonio Guterreş bolay dip östäde:
“Soñğı utnı tuqtatu kileşüe — ömet çatqısı. Xäzer barlıq yaqlarnıñ da anı tulısınça xörmät itüe häm xalıqara xoquqnı torğıza häm yaqlıy torğan çişeleşlär öçen yaxşı niyät belän êşläwe bik möhim”.

İzrail blokada astındağı töbäkneñ zur öleşen cimerde häm böten xalıqnı diyärlek küçerde.