Yaponiyädä Tın okean yarına taba xäräkät itüçe Dujuan tayfunı arqasında transport xäräkätendä özekleklär barlıqqa kilde häm qayber çaralar bulmıyça qaldı.
Yaponiyä meteorologiyä agentlığı Dujuan tayfunı Yaponiyäneñ üzäk häm könçığış öleşendäge Tın okean yarlarına taba xäräkät itä dip bilderde.
Tayfun kiterep çığarırğa mömkin bulğan köçle yañğırlar häm meñnärçä cir şuışular arqasında, başqala Tokiodan 100 kilometr könyaqta urnaşqan İzu arxipelagınıñ iñ zur utrawı - İzu Oşimada iñ yuğarı qurqınıç däräcäse iğlan itelde.
Yaponiyä buyınça 5 könlek yal çorına turı kilgän tayfun Tokioda transport xezmätlärendä özekleklär tudırdı, häm qayber çaralar ğamäldän çığarıldı.
Tayfunnıñ Tokiodan könçığıştağı Çiba prefekturası aşa ütüe kötelä, häm Kanto-Koşin belän Tokay töbäklärendä köçle yañğır yawuı farazlana.
