Saqlanu sänäğate başqarma komitetı İlbaşı Räcäp Tayyip Ärdoğan citäkçelegendä cıyılışın uzdırdı. Bu xaqta Törkiyä İlbaşı apparatınıñ êlemtä idaräse belderde.

Çärşämbe könne yasalğan açıqlawğa kürä, şura 2026 yılnıñ berençe cıyılışında Törkiyä saqlanu sänäğateneñ 2025 yılda başqarğan êşläre, sänäğatneñ êksport uñışları, käläçäk maqsatları häm ähämiyätle proyektlarğa qağılışlı bäyälämälär yasadı.

Belderüdä äytelgänçä, saqlanu sänäğateneñ êksport uñışları häm strategik proyektları turında fiker alışıldı, şulay uq, cirle häm milli saqlanu sänäğaten yaqlawğa omtılışnıñ täwäkkällege assızıqlandı.

Monnan tış, Milli saqlanu häm êçke êşlär ministrlıqlarınıñ ixtiyaçlarına yünältelgän xäzerge häm kiläçäk proyektlarnıñ kön tärtibe qaraldı häm qarar qabul itelde.

Êlemtä idaräse Törkiyä saqlanu sänäğate ireşkän uñışlarnıñ “xalqıbıznıñ häm däwlätebezneñ köçle yärdäme belän” mömkin buluın äytte.

2026 yılda tağın da zurraq tırışlıq belän êşne däwam itü kiräklegenä basım yasalğan açıqlawda, cirle häm milli texnologiyalär qullanıp, saqlanu sänäğatendä ürnäk bulğan üseşneñ täwäkkällek belän däwam iteläçäge äytelde.