İrannıñ başqalası Tähranda Törkiyä, Soğud Ğaräbstanı, Paqıstan häm İran wäkilläre arasında töbäk iminlege, İzrailneñ töbäktäge ğamälläre häm Fälästin belän Livandağı waqıyğalarnı küzätü mäs’äläläre qaralğan dürtyaqlı oçraşunıñ yomğaqlaw belderüe açıqlandı.

Belderüdä, töbäktä tınıçlıq häm iminlek mäs’äläläre dä kertep, bu dürt il arasında xezmättäşlekne nıgıtu maqsatında söyläşülärne däwam itü turında kileşenüe citkerelde.

İran Milli İminlek Yuğarı Şurası ğomum särqatibe Möxsin Rezai ximayäsendä ütkän oçraşuga Törkiyä, Soğud Ğaräbstanı häm Paqıstan wäkilläre qatnaştı.

Oçraşuda İran ilbaşı Mäsud Päzäşkiyan häm İran tışqı êşlär ministrı Abbas Araqçı da qatnaştı. Törkiyäne Milli küzläw oyışması başlığı İbrahim Kalın, Soğud Ğaräbstanın saqlanu ministrı, prins Xälid bin Sälman, Paqıstannı isä ğomumştab başlığı Asım Mönir wäkillek itte.

Dürtyaqlı oçraşuda töbäk iminlege, İzrailneñ töbäktäge ğamälläre häm Fälästin belän Livandağı wäzğıyät qaraldı.