Hindstannıñ Portlar, diñgez êşläre häm su yulları ministrlığınıñ ölkän xezmätkäre Mukeş Mangal başqala Delida jurnalistlarğa Somalidan Berläşkän Ğaräp Ämirlekläreneñ Şarcä şähärenä yözüçe Hindstannıñ mexanikalaştırılğan ağaç cilkänle "Xaci Ali" köymäsenä çärşämbe irtäsendä Oman sularında höcüm buluın äytte.

Mangal höcüm näticäsendä köymädä yanğın çığuın häm sudnonıñ Oman sularında batuın belderde.

Mangal, şulay uq: "Köymädäge barlıq 14 êkipaj äğzası Oman yar buyı saqçıları tarafınnan isän-imin qotqarıldı häm Omannıñ Dibba portına kilep citte", - dip belderde. Soñğı 72 säğat êçendä Hindstan sudnoları yaki Hindstan diñgezçeläre belän bäyle başka bernindi waqıyğa da terkälmägän.

Tışqı êşlär ministrlığı wäqili Randxir Jaisval: "Bez kommersiyä sudnolarına häm tınıç diñgezçelärgä höcüm itüneñ däwam itüenä borçılabız", - dide.

Ul süzlärenä östäp: Säwdä köymälären maqsat itep aludan häm ğayepsez tınıç êkipaj äğzalären qurqınıç astına quyudan yäki navigatsiyä häm säwdä iregenä başqa yul belän kirtä yasawdan tayçınırğa kiräk,” -dide.

AQŞ häm İzrailneñ 28 fevral'dä İranğa höcümnäre başlanğannan birle töbäktäge kiyerenkeläk yuğarı bulıp qala, bu Tährannan cawap höcümnärenä häm Oman, İran häm Berläşkän Ğaräp Ämirlekläre arasında strategik su yulı bulğan Ormuz buğazı tiräsendä özekleklärgä kiterde.

“Anadolu agentlığı” mäğlümatlarına qarağanda, 28 fevral'dä suğış başlanğannan birle Aziyä illärennän, kim digändä, 27 keşe hälaq bulğan yäki yuğalğan.