Qurqınıçsızlıq wäqalätlese äytüençä, şimbä könennän birle Paqıstannıñ Bälücistan provinśiyäsendä terrorçılar tarafınnan koordinaśiyäle räweştä oyıştırılğan höcümnärdä 250dän artıq keşe hälaq bulğan.

Xökümät köçläre höcümçelärne êzärlekli, bäreleşlär däwam itä.

Paqıstan iminlek köçläre Äfganstan häm İran belän çiktäş bulğan mineral’ çığanaqlarğa bay bu provinśiyädä iminlek köçlärenä, çit il watandaşlarına häm cirle bulmağan paqıstanlılarğa qarşı yış qorallı höcümnär yasalğan  häm distä yıllar däwam itkän Bäluç fetnäse belän köräşä.

İsemen äytmägän yuğarı däräcäle wäqalätle çärşämbe könne “AFP”ğa yasağan belderüendä: “Däwam itüçe terrorçılıqqa qarşı köräş operaśiyälärendä 197 terrorçı üterelde”, — dide.

Şul uq wäqalätle Bälücistandağı koordinaśiyälängän  höcümnärdä tınıç xalıqtan kim digändä  36 keşe häm 22 iminlek xezmätkäre üterelüen dä östäde.

Uzğan atna axırında suğışçılarnıñ banklarga, törmälärgä, poliśiya büleklärenä häm xärbi qorılmalarğa höcümnärennän soñ qayber töbäklärdä bäreleşlär äle däwam itä.

Bälücistan prem’yer-ministrı Sarfraz Bugti yäkşämbe könne Kvetta şähärendä ütkärgän matbuğat oçraşuında höcüm astında qalğan barlıq töbäklärneñ terrorçılardan çistartıluın äytte.

Provinśiyädäge iñ aktiv qorallı separatist törkem bulğan Bäluc azatlıq armiyäse “AFP”ğa cibärgän belderüendä höcümnär öçen cawaplılıqnı üz östenä aldı.

AQŞ tarafınnan terror oyışması dip tanılğan bu törkem qorallı höcümnär häm intixar bombaları qullanılğan höcümnärdä xärbi ob’yektlar belän berrättän poliśiya häm grajdanlıq idarä wäqalätlelären dä nişan itep aluın belderde.

Uzğan yıl terrorçılar êçendä 450 yulçı bulğan poyezdğa höcüm ittte.

Bu waqıyğa ike könlek ütergeç qamawğa kiterde.

Berläşkän Millätlär Oyışması sişämbe könne soñğı höcümnärne cirängeç häm qurqaqlarça dip bäyäläde.