Tışqı êşlär ministrlığı Kolumbiyadä bulğan cirteträw belän bäyle bularaq: "Cirteträwdä hälaq buluçılarnıñ yaqınnarı häm Kolumbiya xalqınıñ qayğısın urtaqlaşabız, yaralanuçılarnıñ tizräk sälamätlänülären telibez," — dip belderde.

Ministrlık Kolumbiyadä barlıqqa kilgän zilzilägä qağılışlı yazmaça belderü yasadı.

Belderüdä Törkiyäneñ Bogotadağı ilçelegeneñ Törkiyä watandaşları belän êlemtädä toruı häm alarnıñ xälen yaqınnan küzätep baruı bilgeläp ütelde häm: "Kolumbiyadä bügen bulğan cirteträw arqasında keşelärneñ ülüe häm matdi zıyan kilüe säbäple tirän qayğıbıznı belderäbez. Zilzilädä hälaq buluçılarnıñ yaqınnarınıñ häm Kolumbiya xalqınıñ qayğısın urtaqlaşabız, yaralanuçılarnıñ tizräk sälamätlänülären telibez," — diyelde.

AQŞ Geologiya tikşerenüläre üzäge citkergänçä 7,4 ball zurlığındağı cirteträwneñ epiśentrı - Kolumbiyaneñ könbatışındağı San-Xose-del’-Pal’mar şähäreneñ yaqınça 5 çaqrım könçığışı.

Belderüdä cirteträwneñ 107 çaqrım tiränlektä barlıqqa kilüe citkerelde.

Zilzilädä xäzerge waqıtqa qadär 132 keşeneñ ğomere özelüe turında xäbär itelde.