Azärbaycan ilbaşı İlham Äliyev: “Törkiyä belän Azärbaycan arasındağı mönäsäbätlär – kürşe illärgä ürnäk. Kürşelär dä Törkiyä häm Azärbaycan kebek êş itärgä tiyeş,” – dip belderde.

Äliyev 4nçe Şuşa global media forumında qatnaşuçılar belän töbäk häm global täraqqıyätlärne bäyäläde.

Äliyev säyäsi, iqtisadi, ênergetika, bäyläneşlelek häm xalıqara mönäsäbätlär ölkäsendäge xezmättäşlek däräcäsenä küz salğanda dönyada ber-bersenä Törkiyä häm Azärbaycan qadär yaqın, ber-bersen bu qadär yaqlawçı häm ber-berse belän bu qadär dus bulğan başqa ike il bulmawın assızıqlap bolay dide: "Bu - xalıqlarıbız häm illärebez öçen zur qazanış. Bergä bulğanda bez küpkä köçleräk," - dide.

Törkiyä belän Azärbaycan arasındağı mönäsäbätlärneñ regional' totrıqlılıq häm xezmättäşlek cähatennän dä möhim êlement buluına iğtibarnı cälep itkän Äliyev tübändägeçä däwam itte:

"Şul uq waqıtta bu - qurqınıçsızlıq cähatennän dä möhim faktor. Çönki biredä, Şuşada, 5 yıl êlek Törkiyä ilbaşı belän bergä Şuşa deklaraśiyasenä qul quydıq. Bu dokument mönäsäbätlärebezne berlektäşlek däräcäsenä kütärde. Şulay itep, bez qardäş häm dus qına tügel, şul uq waqıtta berlektäşlär dä. Berebezgä närsäder bula ikän, ikençebez barlıq mömkinlekläre belän, monıñ êçenä xärbi poteniśial da kerä, qardäşen yaqlar öçen yanında bulaçaq."

Äliyev: "Oxşaş tamırlarğa iyä bulu yäki ber ük tel ğailäsennän kilü härwaqıt mondıy nigezne tudırmıy. Kiresençä, qaywaqıt ber teldä söyläşüçe xalıqlarnıñ ber-berse belän suğışuın küräbez. Ber ük dindä bulğan keşelärneñ ber-bersen üterüenä beläbez. Şuña kürä Törkiyä belän Azärbaycan arasındağı mönäsäbätlär kürşe illär öçen ürnäk bulıp tora. Kürşelär dä näq Törkiyä belän Azerbaycan kebek bulırğa tiyeş," – dide.

“Tınıçlıqnı täşwik itüdä medianıñ missiyase: xaqıyqatne yañadan torğızu häm ışanıçnı qabat tözü” dip atalğan 4nçe Şuşa global media forumında 53 ildän yaqınça 160 qatnaşuçı bar.

30dan artıq xäbär agentlığı, 10 xalıqara oyışma häm yaqınça 60 media oyışması urın alğan forum 2 kön däwam itäçäk.