Törkiä suğışta zur zıyan kürgän Ğazzägä gumanitar yardäm cibärüne däwam itä.

Kaysäri rayonı bulğan Mälikgazidä äzerlängän yök maşinaları Ğazzägä taba yulğa çıqtı.

Mälikgazi administraśiyase belän Keşe xoquqları häm xörriyätlären saqlaw häm gumanitar yärdäm waqıfı xezmättäşlegendä cıyılğan bu maşinalarda yurğan, odeyal häm urın-cir kebek iñ kiräkle äyberlär bar.

BMO xisaplarına küz salsaq, yärdäm oyışmaları ber millionnan artıq keşeneñ yäki Ğazzä xalqınıñ yaqınça yartısınıñ äle dä aşığıç toraq (sıyınu) yärdämenä ixtiyacı bar dip farazlıy.

Qış kilü belän Ğazzädäge ğailälärneñ yardämgä ixtiyacı tağın da arttı. Keşe xoquqları häm xörriyätlären saqlaw häm gumanitar yärdäm waqıfı isä azıq-tölek, su, darular häm oxşaş aşığıç yärdäm materialların tapşırunı däwam itä.

Waqıf 2025nçe yılda Ğazzägä 77 yök maşinasında yärdäm citkerde. Şul uq yılnı waqıf Bötendönya azıq-tölek programması belän xezmättäşlek başqarıp, 28 million 700 meñ porśiya qaynär aş öläşte.

Yök maşinaların doğalar belän ozatıp qaldılar. Mälikgazi administraśiyase isä Ğazzädä däwam itüçe gumanitar krizista zıyan kürüçelärgä yardäm itärgä däwam itä.