DÖNYA
2 min uqıu
Gonkongta toraq yortlarda çıqqan yanğında ülüçelär sanı 44kä citte, 279 keşene êzlilär
Xastaxanägä salınğan 45 keşeneñ xäle äle haman awır.
Gonkongta toraq yortlarda çıqqan yanğında ülüçelär sanı 44kä citte, 279 keşene êzlilär
Cirlä yañğın sönderü xezmäteneñ belderüenä qarağanda, älegä qädär 44 keşe, şul isäptän ber yañğın sönderüçe, hälak bulğan.
27 Noyabr 2025

Gonkongnıñ Tai Po rayonında sigez binadan toruçı toraq kompleksında çıqqan yanğında ülüçelär sanı 44kä citte, 279 keşene äle haman taba almadılar.

Yanğın näticäsendä yaralanuçılar häm ülüçelär sanı arta bara, dip xäbär itä “South China Morning Post” (SCMP).

Yanğın çärşämbe kön urtasında başlana. 1900dän artıq fatir bulğan kompleksta remont bara häm monıñ öçen tıştan quyılğan bambuk qorılmalar arqasında ut bik tiz tarala.

Cirle yanğın sünderü xezmäte belderüençä, xäzergä qadär 44 keşe, şul isäptän, ber yanğın sünderüçe wafat buldı.

Xastaxanägä salınğan 45 keşeneñ xäle äle haman da awır.

Kompleksta ut qapqan 7 binadan 3se kontrol' astına alınsa da, 4sendä yanğın däwam itä. Anda 4 meñläp keşe yäşäwe farazlana.

Tulayım alğanda, 279 keşe älegä tabılmağan, ä 26 yanğın sünderü komandası ut belän köräşüen däwam itä.

Politsiya öç keşene totqarladı — remontnı başqarğan tözeleş şirkätennän ike idaräçe häm ber kiñäşçe injener oçraqlı räweştä keşe üterüdä ğayeplänep saq astına alındı.

Wäqalätlelär tözekländerü öçen quyılğan bambuk qorılmalar häm täräzälärne qaplagan plastik materiallarnıñ yanğınnıñ tiz arada taraluına möhim öleş kertüen citkerde.

Ğadättän tış tiz taralğan yanğın

Gonkong iminlek särqatibe Kris Tang söyläwençä, başlanğıç tikşerenülär yanğınnıñ taralu tizlegeneñ ğadättän tış yuğarı ikänen kürsätä, bu kübräk izolyatsiya materialına bäyle.

"Bez binanıñ divarlarnı qaplawçı materialnı, qorılma tiräsendäge çeltärne häm su ütkärmäs brezentnı tikşerdek. Alarnıñ, iminlek standartlarına turı kilgän materiallarğa qarağanda, utnı bik tiz taratuın açıqladıq," dide ul.

Gonkong 17 yıl êçendä berençe tapqır şähär öçen iñ yuğarı — 5nçe däräcädäge yanğın afäte belän oçraştı.

Wäqalätlelär beldergänçä,kürşedäge ike toraq kompleksi da êvakuatsiyalängän häm yanğın arqasında 900läp keşe 8 waqıtlıça urnaşu punktında qala.

Waqıyğa urınına 140tan artıq yanğın sünderü maşinası häm 800dän artıq aşığıç yärdäm xezmätkäre cibärelde.