İzrail 2024 yılnıñ noyabrennän birle ğamäldä bulğan utnı tuqtatu kileşüen tağın ber tapqır bozdı: Livannıñ kön’yağına yasalğan hawa höcümendä ber keşene üterde häm ike keşene yaraladı.

Livan xalıq sälamätlegen saqlaw ministrlığı höcümneñ düşämbe könne Sur şähärendä buluın belderde. Ministrlıqnıñ ğadättän tış xällärdä operaśiyä üzäge ber keşeneñ ülüen häm ike keşeneñ yaralanuın assızıqladı.

Livan däwläteneñ Milli xäbär agentlığı (NNA) İzrailneñ keşesez hawa apparatı belän Sur şähäre çitendäge ber maşinanı utqa totuı turında xäbär itte. Agentlıq, şulay uq, İzrail dronnarınıñ kön’yaq Livandağı Zahrani häm Bisariyeh töbäkläre östendä oçuın, ä tağın ber dronnıñ Adissa–Markaba yulındağı märmär fabrikasına tawış bombası atuın belderde.

Soñraq Livan törkeme “Xizbullax” Surdağı höcümdä üzläreneñ maşinası maqsat itep alınuın äytep, “Al-Manar TV” korrespondentı Ali Nur ad-Dinnıñ üterelüen citkerde.

İkençe ber xäbärdä NNA İzrail tankınıñ kön’yaq Livandağı Bint-Cbeyl töbägendä urnaşqan Aitarun awılı çitendäge ber öyne maqsat itüen citkerde. Agentlıq, şulay uq, Aitarun çitendäge Xreika töbägenä Cäbäl äl-Batta yaña tözelgän İzrail xärbi poziśiyäsennän atılğan berniçä minomyet snaryadı atıluın citkerde.

İzrail utnı tuqtatu kileşüen bozıp yözärçä Livanlıanı üterde. Ul axırğı suğışta yawlap alğan biş Livan qalqulığı belän bergä, distä yıllar däwamında kontrolendä totqan bütän töbäklärne dä okkupaśiyäläwen däwam itä.

Livan räsmiläre süzlärençä, İzrail 2023 yılnıñ oktyabrendä Livanğa qarşı xärbi höcümlär başlağan ide häm 2024 yılnıñ sentyabrendä alarnı tulı masştablı suğışqa äwerelderde. Bu bäreleşlärdä 4 meñnän artıq keşe ülde häm yaqınça 17 meñ keşe yaralandı.