Ministrlıqtan yasalğan belderüdä Rusiyäneñ Baqı ilçese Mixail Yevdokimovnıñ Tışqı êşlär ministrlığına çaqırıluı äytelde.
Belderügä kürä, söyläşü waqıtında 5nçe iyül kiçendä Mıkolayiv töbägendäge SOCAR yağulıq stanśiyäseneñ keşesez hawa apparatı höcümenä duçar buluı arqasında Tulı wäqälätle ilçe Yevdokimovqa, Azärbaycannıñ qarşılıq belderüe citkerelep, waqiğa belän bäyle diplomatik nota tapşırıldı.
Monıñ berençe waqiğa bulmawına basım yasalğan belderüdä moñarçı da Ukrainada “SOCAR”ğa bäyle tabiği gaz qudıru kompressor stanśiyäse belän Odessadağı neft saqlağıçınıñ xärbi höcümnärgä häm suğışnıñ cimergeç täêsirlärenä duçar itelüen, bu waqiğalarda möhim külämdä matdi zıyan barlıqqa kilüen häm şirkät xezmätkärläreneñ yaralanuı iskä töşerelde.
Küp tapqır yasalğan kisätülärgä qaramastan oxşaş höcümnärneñ däwam itelüeneñ bolarnıñ belä torıp maxsus yasaluına işara itüe belderelep, Kievtağı Azärbaycan ilçelege belän Xarkovtağı Maqtawlı konsullıq binasınıñ da törle hawa höcümnärendä zıyan kürüe iskärtelep uzıldı.
Yevdokimov belän ütkärelgän söyläşüdä Vena konvenśiyäläre nigezendä diplomatik häm konsullıq wäkilçelekläreneñ saqlanuına qağılışlı yöklämälärneñ qatği ütälüeneñ ähämiyätenä iğtibar yünältelde.
Rusiyädän şuşı waqiğalarnıñ centekläp tikşerelüe häm Azärbaycanğa kiräkle belderüneñ yasaluı, grajdan qorılmaları belän diplomatik wäkilçeleklärneñ saqlanuına qağılışlı xalıqara yöklämälärneñ ütälüe soraldı.
