Türkiye NATO iminlege çaraları qısasında Litvaga waqıtlıça kisätü häm kontrol' oçqıçın cibärde, dip xäbär itte saqlanu ministrlığı. Bu qarar, Rusiya dronlarınıñ hawa kiñlegenä qabat-qabat bozıp kerüe arqasında qabul itelde.

Litva, Êstoniyä, Daniyä häm Polşa soñgı atnalarda Rusiya dronları yäisä xärbi oçqıçlarınıñ alarnıñ hawa kiñlegen bozıp kerüe turında xäbär ittelär. Bu waqiğalar NATO İttifaqın Awrupanıñ könçığış çiklären saqlawnı köçäytergä mäcbür itte.

Saqlanu ministrlığınıñ atnakiçen (pänceşämbe könne) bastırğan atnalıq matbuğat belderüendä: “NATO iminlek çaraları qısalarında hawadan kisätü kontrol (AWACS) oçqıçıbız 22nçe-25nçe sentyabr könnärendä Litva hawa kiñlegendä wazıyfasın başqara”, - dip äytelde.

AWACS sistemaları cir radarlarnıñ kürmi qalğan tübän biyeklektä oçuçı dronnar häm başqa äyberlärne tabarğa sälätle.

Polşa berniçä dronnı bärep töşerde, ä Litvanıñ parlamentı sişämbe könne qorallı köçlärgä alarnıñ hawa kiñlegen bozıp kerüçe teläsä nindi dronnı bärep töşerü wäqäläten birde.

Könbatış räsmiläre Rusiya bu hawa kiñlegen bozularnı NATOnıñ äzerlegen häm nıqlığın sınaw öçen başqara, dip sanıy. Êstoniyä häm Polşa alyansqa NATO kileşüeneñ 4 nçe mäddäse nigezendä kiñäşmälärne başlaw möräcäğäten yasadı.

4 nçe mäddädä NATO äğzaläre, alarnıñ berärse fikerençä, teläsä qaysı äğzanıñ cirläre, säyäsi bäysezlege yäisä iminlege qurqınıç astında bulğanda, bergä kiñäşläşäçäk diyelä.