Törkiyä İlbaşı Räcäp Tayyip Ärdoğan Zonguldaqnıñ Filyos portında uzğan "Osman Ğazi” yözüçe citeşterü platformasın ozatu tantanası"na cibärelgän videomöräcäğattä, Törkiyä bayrağı tösläre belän bizälgän “Osman Ğazi” platformasınıñ ilgä häm millätkä faydalı xezmätlär kürsätüen teläwen äytte.

Ärdoğan bolay dide: "Bügen bez ênergetika tarixıbızda yaña bit açabız. Bez, nigezdä, yözüçe sänäğät qorılması bulğan “Osman Ğazi”nı üzeneñ xezmät urınına, Qara diñgezgä ozatabız".

İlbaşı Ärdoğan "Osman Ğazi"nıñ ozınlığı 298,5 metr, kiñlege 56 metr, tiränlege 29,5 metr häm êkipajı 140 keşedän torğan yözüçe ênergiya nığıtması buluın belderde häm bolay dip östäde:

"21 törle cayılanma belän ul Sakarya gaz çığanağındağı qoyıardan çığarğan gaznı êşkärtäçäk häm diñgez astına salınğan torbalar aşa Filyosqa cibäräçäk. Şulay itep, Qara diñgezdä tabiğıy gaz çığaruıbız ikelätä artıp, könenä 20 million kub metrğa çıtäçäk, häm 2027 yılnıñ başınnan här öç xucalıqnıñ berse bezneñ könküreş tabiğıy gazın qullanacaq".