Törkiyä Böyek Millät Mäclese başlığı Numan Kurtulmuş Süriyäneñ cir bötenlege häm milli möstäqillegeneñ bik möhim, alıştırğısız buluın belderde.
Numan Kurtulmuş sişämbe könne yasağan belderüendä barlıq qatlamnarnı üz êçenä alğan qatnaşu sisteması, ğadel wäkillek häm demokratik Süriyäneñ töbäkneñ garantiyäse bulaçağın äytte.
Kurtulmuş süzlärençä, Törkiyä Süriyädäge integraśiya barışında yasalğan nıqlı adımnarnı iğ’tibar belän küzätä häm ireşelgän alğarışnı yuğarı bäyäli.
Kurtulmuş Süriyä xökümäte belän “YPG” terror oyışması arasında 2025 yılnıñ 10 martında imzalanğan kileşü häm 30 ğinwar kileşüeneñ şartlarına tulısınça tuğrılıqnıñ Süriyägä tınıçlıq, töbäkkä totrıqlılıq kiteräçägen äytte.
“Yöklämälär ütälgän sayın çın tınıçlıq täêmin iteläçäk”, — dip belderde ul.
Kurtulmuş xärbi häm administrativ yaqtan êtaplı integrasiyägä yünältelgän kileşüneñ töbäk tınıçlığı öçen qimmätle mömkinlek buluın bilgeläp ütte.
Numan Kurtulmuş ber genä şäxesne, ışanunı yäki ideologiyäne çitkä quymıyça, här Süriyä watandaşınıñ säyäsi sistemada xörmätle häm ışanıçlı urın alırğa tiyeşlegenä basım yasap, tarqalular häm bülgälänülärneñ berkemgä dä tınıçlıq kitermäwen iskärtte.
“Süriyä — süriyälelärneke” dip äytkän Kurtulmuş Törkiyäneñ Süriyäne torğızuda, oyışmalarnı nığıtuda, çik iminlegen täêmin itüdä häm terrorğa qarşı köräştä kiräkle barlıq yärdämne kürsätergä äzer buluına tağın ber qat basım yasadı.
